zindaa hun is tarah ki gam-e-zindagi nahi
jalataa huaa diyaa hun magar roshani nahi
zindaa hun
do muddate hui hai kisise judaa hue
lekin ye dil ki aag abhi tak bujhi nahi
zindaa hun
aane ko aa chukaa thaa kinaaraa bhi samane
khud usake paas meri hi nayyaa gai nahi
zindaa hun
hotho ke paas aae hansi, kyaa mazaal hai
dil kaa muaamalaa hai koi dillagi nahi
zindaa hun
ye chaand ye havaa ye fizaa, sab hai
jo tu nahi to inase bhi koi dilakashi nahi
zindaa hun
