nirdhan kaa ghar lutne vaalo lut lo dil ka pyaar
pyaar vo dhan hai jiske aage sab dhan hai bekaar
insaan bano, insaan bano karlo bhalayi ka koi kaam
insaan bano
duniya se chale jaayega rah jaayega badnaam insaan bano
o is baag me suraj bhi nikalta hai liye gam
phulo ki hansi dekh ke ro deti hai shabanam
kuchh der ki khushiya hai to kuchh der ka maatam
kis nind me ho
kis nind me ho jaago zara dekh lo anjaam, insaan bano
o laakho yahaan shaan apni dikhaate huye aaye
dam bhar ko rahe naach gaye dhup me saaye
vo bhul gaye the ke ye duniya hai saraay
aata hai koi
aata hai koi subah ko jaata hai koi shaam, insaan bano
o kyo tumne bichhaaye hai yahaan zulm ke dere
dhan saath na jaayega bane kyo ho lutere
pite ho garibo ka lahu shaam savere
khud paap karo
khud paap karo naam ho shaitaan ka badnaam, insaan bano
insaan bano karlo bhalayi ka koi kaam
insaan bano
duniya se chale jaayega rah jaayega badnaam insaan bano
