Aali Ri Roko Naa Koi Lyrics | Challenge

                        
                        aali ri, roko naa koi, karne do mujhko manmaani
aaj mere ghar aaye vo pritam jinke liye sab nagri chhani
aaj koi bandhan na bhaaye, aaj hai khul khelan ki thaani

ai ri jaane na dungi, ai ri jaane na dungi
mai to apne rasik ko naino me rakh lungi
palke mund mund
ai ri jaane na dungi, ai ri jaane na dungi 

alko me kundal daalo aur deh sugandh rachaao
jo dekhe mohit ho jaaye aisa rup sajaao
aaj sakhi, dha pa ma re pa, 
ma pa dha ni dha, pa dha pa pa saa dha 
re saa dha, pa re
aaaa, aaj sakhi pi daalungi 
mai darshan-jal ki bund bund 
ai ri jaane na dungi, ai ri jaane na dungi 

madhur milan ki durlabh bela yu hi bit na jaaye
aisi rain jo vyarth gavaaye, jivan bhar pachhataaye
sej sajaao, dha pa ma re pa 
ma pa dha ni dha, pa dha pa pa saa dha
re saa dha, pa re 
aaaa, sej sajaao mere saajan ki
le aao kaliyaan gund gund 
ai ri jaane na dungi, ai ri jaane na dungi 
mai to apne rasik ko naino me rakh lungi
palke mund mund
ai ri jaane na dungi, ai ri jaane na dungi