Babul Ki Duaayen Leti Ja Lyrics | Neel Kamal

                        
                        Baabul ki duwaaye leti ja ja
Tujhako sukhi sansaar mile
Mayake ki kabhi naa yaad
Aaye sasuraal me itana pyaar mile
Baabul ki duwaaye leti ja ja
Tujhako sukhi sansaar mile

Naajo se tujhe paala maine
Kaliyo ki tarah phulo ki tarah
Bachapan me julaaya hain
Tujhako baaho ne meri julo ki tarah
Mere baag ki ai naajuk daali
Tuje harpal nayi bahaar mile
Mayake ki kabhi naa yaad
Aaye sasuraal me itana pyaar mile

Jis ghar se bandhe hain bhaag tere
Uss ghar me sada teraa raaj rahe
Haothon pe hansi ki dhup khile
Maathe pe khushi kaa taaj rahe
Kabhi jisaki jyot naa ho fiki
Tuje aisa rup singaar mile
Mayake ki kabhi naa yaad aaye
Sasuraal me itana pyaar mile

Bite tere jivan ki ghadiya
Aaram ki thhandi chhanv me
Kaanta bhi naa chubhane paaye
Kabhi meri ladali tere paanv me
Uss dwaar se bhi dukh dur rahe
Jis dwaar se teraa dwaar mile
Mayake ki kabhi naa yaad aaye
Sasuraal me itana pyaar mile


 
Baabul ki duwaaye leti ja ja
Tujhako sukhi sansaar mile
Baabul ki duwaaye leti ja.