sury dev jagdip tej jinka jag saje
sat ashv ke rath par sarthi arun viraje
tum unke kuldip ram ghar-ghar jay gaje
gunj uthe dash dish kirti ka danka baje
danvir harishchandr nripati saty seva vritdhari
putr nari die bech saty par ban gae ap bhikhari
kathin tapasya bhagirath ki shri gaga ji ko lae
go brahman pratipal bhupati dilip raj kahae
raghuraj ki gaurav-gatha koi nahi bisrae
ashvamedh kar aj ne jag me kirti dhvaj pharkae
dashrath ji ne deh taja par bachan nahi taj pae
tum ho unke pran jagat jinke nis-din gun gae
suryavansh ki vijay-pataka tum phir se pharka do
ramrajy se bharat me tum sukh-shanti barsa do
